10円硬币有助散热!预防「手机中暑」

  •    2020-06-04
  • 【手机降温方法】人长时间喺烈日当空下暴晒,随时都会中暑,但其实手机都有可能会「中暑」!喺烈日下长时间使用手机,手机会突然死机唔识郁,有时都几麻烦。日本就有一个「10円硬币散热法」,大家经常储埋储埋嘅神沙发挥神奇功效,变成帮手机散热嘅神器!

    用传热性高嘅金属散热

    手机热到死机时,相信好多人都会即刻用冷却剂等将手机「急冻」降温,但咁样做分分钟令手机更「短命」!急冻会令手机内部结霜,成为故障嘅原因。

    10円硬币有助散热!预防「手机中暑」
    急冻会令手机内部结霜,成为故障嘅原因!

    最好嘅手机散热方法,就係喺发热嘅部分贴上传热性高嘅金属,透过金属钱内存热力释放。

    传热性高嘅金属有金、银、铜等,平时身上哪来的金、银吖,咁就不妨试下用铜!

    日本「神沙」散热大法

    大家次次去完旅行都想尽办法散走嘅「神沙」硬币,其实仲有散热用途!日本就有一个「10円散热法」,将10円硬币放喺手机背,如果得好少喺手,只放喺发热部分都会有一定效果。要拎住手机行嘅话喺硬币上用胶纸贴住就可。

    10円硬币有助散热!预防「手机中暑」
    将10円硬币放喺手机背,就起到散热效果!

    手提电脑嘅话,就喺发热部分尽可能地放置10円。咁冇日币10円喺手嘅话点算?香港硬币嘅话,毫子嘅含铜量较高,可以试下用毫子代替10円!

    10円硬币有助散热!预防「手机中暑」
    香港硬币嘅话,毫子嘅含铜量较高,可以试下用毫子代替10円!
    手机温度过高会出现「低温烫伤」!

    日本消费者厅就曾经为暖水袋嘅潜在危险性进行过调查,发现会造成「低温烫伤」嘅温度同接触时长如下:

    ・44℃⋯3~4小时

    ・46℃⋯30分钟~1小时

    ・50℃⋯2~3分钟

    不同于高温烫伤时会即时缩手,低温烫伤係会逐少咁渗入到皮肤,好迟先会发现到皮肤赤痛。

    10円硬币有助散热!预防「手机中暑」
    低温烫伤係会逐少咁渗入到皮肤,好迟先会发现到皮肤赤痛。

    以Apple手机为例,iOS系统嘅最佳运作温度为0~35℃,放置保管时环境温度为-20℃~45℃,而开始出现「唔听话」情况嘅,约为40℃左右。另外,防水设计嘅手机因为密封度高,所以需更小心留意发热情况!

    10円硬币有助散热!预防「手机中暑」
    防水设计嘅手机因为密封度高,所以需更小心留意发热情况!

    如果发现手机温度过热,最好嘅降温方法就係熄机,等一阵先再开番。而且要谨记,手机唔好喺阳光下暴晒或者放喺闷热地方,亦该避免长时间紧贴皮肤,预防「低温烫伤」。

    10円硬币有助散热!预防「手机中暑」
    如果发现手机温度过热,最好嘅降温方法就係熄机。

     


  • 相关新闻